ايه رأيكم فى حب المصلحة وبس؟؟؟

ايه رأيكم فى حب المصلحة وبس؟؟؟
فى ناس بنقابلهم ونفتكرهم بقوا اصحبنا بجد وبعدين تليقهم مش هممهم غير المصلحة ولما تخلص خلاص وتلقيهم بيغيروا شخصيتهم من وقت للتانى على حسب الشخص اللى بيحتاج المصلحة منه وبعدين كانت صحبتى وصحبتك وتفرقوا الاصحاب
صح ياريت تقولولى رأيكم فى الموضوع ده رأيكم ايه ؟؟

السلام عليكم ازيك ياهبة عاملة ايه انا معاكي في الكلام اللي انتي بتقوليه لان فعلا من ساعة مخاصنا امتحانات ومحدش بيكلم حد لان المصلحة انتهت ولا احد بيدخل عاى منتداكي ولا منتدى استاذة ضحى مش عارفة ليه بس ياريت واتمنى ان اكون اخوات مش لغرض المصلحة ولكن اخوات في الاسلام نسال على بعض في كل حاجةوبس.

معاكى حق يا ريهام
بس على الاقل نسأل على بعض واللى عنده حاجة كويسه يقولها واللى عنده خبر كويس يقوله واللى زعلان من حاجه برده برده يحكيلنا واحنا نشاركه صح هى دى اصول الصداقة

انا معاكي ياهبة بس اظاهر مفيش غيري انا وانت بنرد على بعض مش عارفة الباقي اختفو فين يارب يكون المانع خير وانت مش بتفتحي الاميل بتاعك ليه انا بفتح بعد العشاء ادخلي علشان نكلم بعض انا حستناكي اوكي باي

مرحبا يا هبة وأخبارك اية وكل عام وانتي بخير و على جميع الزملاء
وإنشاء الله تكون سنه سعيدة على الجميع
والشكر كل الشكر لكي على مجهودك الرائع و الجميل في فترة الاختبارات وانشاء الله تكون في ميزان حسناتك

وبالنسبة للموضوع اللي طرحتية هو فعلا من واقع الحياة ولابد أن يكون هناك مثل هذه النوعية من الناس وهذه الظاهرة ليست في مصر ولكن في جميع دول العالم وانا عن نفسي مريت في هذه المرحلة في السنة الجامعية -----بس في ناس تقدر بعضها وتعرف معادن الناس----- و الناس نفس أصابع اليد مافيش واحد متساوي مع الآخر
وأخيرا أكرر شكري الجزيل لكي مرة أخرى وانشاء الله منها للأعلى و بالتوفيق لكي ولجميع الزملا في الحياة العلمية والعملية

يحــــيى

متشكرة اوى يا يحى على اهتمامك وعلى ردودك الفعالة اللى بتخلينى
نحس ان انت فعلا واحد من اهلنا
وشكرا على ردك

ايه رايك لو حسيتى ان الحب من اقرب الناس ليكى ووثقتى فيه انه اخزه نقطة ضعف او فكره نقطة ضعف ولما خدى رد فعل مكانش متوقع فكر انى انتى الى بتقولى كلام وبس بمعنى اخدوهم بالصوت قبل ما يغلبوهم

ااقولك ياهبه مالكيش صالح بهما كانو ايه وبقو ايه متعامليش بنفس المعماله وتعمليش اى شئ من غير اقتناع ولا على حسابك وفكرى قبل اى حاجه ابقى افتحى اميلك ياهانم

اقتباس من كلام الاستاذ / يحي
مرحبا يا هبة وأخبارك اية وكل عام وانتي بخير و على جميع الزملاء
وإنشاء الله تكون سنه سعيدة على الجميع
والشكر كل الشكر لكي على مجهودك الرائع و الجميل في فترة الاختبارات وانشاء الله تكون في ميزان حسناتك
وبالنسبة للموضوع اللي طرحتية هو فعلا من واقع الحياة ولابد أن يكون هناك مثل هذه النوعية من الناس
وانا عن نفسي مريت في هذه المرحلة في السنة الجامعية ---بس في ناس تقدر بعضها وتعرف معادن الناس وناس لا
وأيضا انا حاسة بيكى كويس قوى
وأقول لكى سيرى فى طريقك المرسوم جيدا ومالكيش دعوة بشوية الأحجار التى تلقى عليكى
فأنت دائما Kind tree و Good tree
اتمنى لكى كل التوفيق فأنت جديرة بكل الاحترام والتقدير
واتمنى لو راسلتينى على الميل zein_man2010@yahoo.com
ونكون من أصدقائك
وشكرا

السلام عليكم

أخباركم اية ياشباب و يا بنات و عاملين اية

شكرا يا هبة وانا فعلا أنا حسيت اني واحد منكم ماني غريب

وانا أسلم عليكم من دولة الكويت وأتمنى لكم قضاء إجازة سعيدة وبالتوفيق للجميع

يحـــــــــــيى

بشكركم كلكم على مشاركتكم ليه فى الموضوع ده وياريت تكتبوا اخباركم دايما علشان نعرف اخبار بعض
اوكى ومش عايزة انسى اقول ليحى حمد الله بالسلامة وياريت تحكى لكل اللى عندك عن مصر وكمان عايزة اشكر الاستاذه او الاستاذ
zein وياريت تعرفينه بيكى علشان نتشرف بمعرفتك

أولا احب اوجه السلام لكل طلبة وطالبات الدبلوم المهنى وثانيا عايز اقدم شكر خاص للأستاذة هبه الأخضر على المجهود اللى بذلته عشان كلنا نسفيد انا بجد سعيد بالسنة دى بكل مافيها من فرح وحزن والم وبوجه اسفى لكل الناس لو كنت قصرت فى حق حد ياريت كلنا نكون زمايل بجد مش كلام وبس ومنتغيرش بسرعة وننسى الزمالة لأى سبب صدقونى انا بجد سعيد اتعلمت من السنة دى حاجات كتير كانت غايبة عنى واخيرا بوجه سلامى لكل الناس اللى معانا وبقول ل يحي وحشتنى ياكويتى انا بجد مفتقدكم كلكم وربنا يوفق الجميع وسلامى للأستاذة الكبيرة ضحى انور وللأستاذ سمير ومحمد لطفى وكلكم عشان منساش حد

السلام عليكم اخبار الجميع ايه مفيش حد بيطمنا على اخباره ليه عموما الدراسة وحشانى جدا ودى كانت من احسن سنوات التعليم بالنسبة ليا وان شاء الله اتمنى التوفيق للجميع وببعت سلامى لجميع الزملاء والزميلات وان شاء الله اجازة سعيدة للجميع

تحيه طيبه وبعد
احب اشكر هبه على مجهودها الجميل اللى اثرتنا بيه خلال العام السابق على انى لا اعرفها شخصيا بس دلوقتى تأكدت ان الانسان بيتعرف بأعماله وليس بأخر
وبسلم كتير كتير على يحيى واقوله ان ده طبع اغلب المصريين بيحبوا الناس اوى والاقل يا هبه بتوع مصلحتهم اعتقد
ومعلش صدعت دماغكم
وسلام وهذا ليس نهاية الكلام

متشكرة قوى وكل سنة وانت طيب ورمضان كريم
وان شاء الله نكون ناجحين كلنا ورمضان يعدى علينا بسلام

السلام عليكم ورحمة الله وبركاته اخبار الجميع ايه تمام ياريت الكل يطمنا على اخباره وربنا يديم المحبة علينا كلنا وبالتوفيق للجميع فى النتيجة ان شاء الله

رمضان كريم وكل سنة وانتم طيبين

كل سنة وانتم طيبين مفيش حد بيسأل خالص على حد فى الدفعة دى عموما ربنا يوفق الجميع ان شاء الله ورمضان كريم

اول يوم رمضان خلص ياترى حد افتكر يدعى للمسلمين فى فلسطين والعراق اللهم انصر الاسلام والمسلمين فى كل مكان وكل سنة وانتم طيبين ويوفق الجميع فى النتيجة

السلام عليكم ورحمة الله وبركاته
الحمد لله دعينا للمسلمين في كل مكان
وربنا يجعله في ميزان حسناتك وحسناتنا ان شاء الله والدال على الخير كفاعله وشهر رمضان اوله رحمة اللهم ارحمنا برحمتك ياارحم الراحمين اللهم امين

السلام عليكم و رحمة الله و بركته
الى الأستاذة الفاضلة هبة
و إلى كل الزملاء الأفاضل من أسرة الدبلوم المهني
نتمنى التوفيق للجميع
و بالنسبة للموضوع التي طرحته الأستاذة هبه حول حب المصلحة
اتفق مع الجميع على أن هذا النوع من العلاقات ينتشر بيننا كثيرا في هذه الأيام
و أنه واقع قد نعيشه يوميا
ولكن لابد من أن نفرق بين أمرين وهما الزمالة و الصداقة
فقد يكون للانسان الكثير من الزملاء سواء في العمل أو الدراسة
و هو ما تظهر به هذا النوع
فالانسان قد يقدم الخير لزملائه ومن المفترض ألا ينتظر شيء بالمقابل
ولكن عادة يربط هذه العلاقة بعض الأمثال مثل:
قدم السبت تلقى الحد
و شيلني و أشيلك
أما الصداقة
فقد يعيش الانسان دنياه ولا يخرج منها إلا بعدد قليل من الأصدقاء
وقد يخرج منها بدون أصدقاء بتاتا
وتربط هذه العلاقة نوع من المودة و التسامح
وبهذه المناسبة أوجه الشكر للزميل و الأخ الفاضل محمود الحداد لما قام به من مجهود معي و لولاه ما كنت قد أكملت هذه السنة
و في النهاية سؤال أخير للأستاذة هبة
ان شاء الله ان اكملنا السنة القادمة في الدبلوم الخاص فهل سيتغير اسم المنتدى

ألف مبروك على النتيجة ومبروك للزميلة هبه الأخضر وأنا كنت متوقع ليها تقدير كويس ومبروك للزميلة هناء السيد ذكى من مطروح ونتمنى ان الجميع يكمل معانا السنة اللى جاية فى الدبلوم الخاص مبروك وكل سنة وانتم طيبين